Որակի ապահովումը ՀՀ մասնագիտական կրթության

Հոկտեմբերի 8-9-ը Երևանի Մխիթար Հերացու անվան պետական բժշկական համալսարանում կա-յացավ «Որակի ապահովումը ՀՀ մասնագիտական կրթության համակարգում» խորագրով շահակիցների երկրորդ համաժողովը:

Միջոցառման կազմակերպիչն է «Մասնագիտական կրթության որակի ապահովման ազգային կենտրոն» հիմնադրամը (ՈԱԱԿ)` կրթության և գիտության նախարարության, Նիդեռլանդների և Ֆլանդրիայի հավատարմագրման գործակալության, Համաշխարհային Բանկի և Օրագրերի իրականացման գրասենյակի մասնակցությամբ:

Միջոցառումն իրականացվեց «Կրթության որակի շաբաթվա» շրջանակներում:

Համաժողովի հիմնական նպատակներից է`խթանել որակի ապահովման վերաբերյալ երկխոսությունը ՈԱԱԿ-ի շահակիցների շրջանում, տարածել տեղե-կատվություն ՀՀ մասնագիտական կրթության ոլորտում որակի ներքին և արտաքին ապահովման վերաբերյալ, ինչպես նաև քննարկել ապագայի մարտահրավերները և բացահայտել ՀՀ-ում կրթության որակի ապահովման բարելավման նոր հնարավորությունները:

Միջոցառումը համախմբեց ՀՀ մասնագիտական ուսումնական հաստատությունների ղեկավարների, որակի ապահովման փորձագետների, պրոֆեսորա-դասախոսական կազմի ներկայացուցիչների, որակի ապահովման գործընթացներում ներգրավված անձանց, ուսանողների և մասնագիտական կրթության որակի ապահովման ոլորտի այլ շահակիցների:

ՀՀ ԿԳ նախարար Արմեն Աշոտյանը, «Մասնագիտական կրթության որակի ապահովման ազգային կենտրոն» հիմնադրամի տնօրեն Ռուբեն Թոփչյանը, Նիդեռլանդների և Ֆլանդրայի հավատարմագրման գործակալության խորհրդի նախագահ Կառլ Դիտրիխը, Դելֆի տեխնոլոգիայի համալսարանի պրոռեկտոր Պ. Ռուլմանը, Հավատարմագրման եվրոպական կոնսորցիումի նախագահ Ռոլֆ Հոյսերը, Միջազգային բիզնեսի կառավարման հավատարմագրման հիմնադրամի ներկայացուցիչ Հեինց-Ուլրիխը ներկայացրին մասնագիտական կրթության որակի արտաքին ապահովման և հավատարմագրման գործընթացների հիմնախնդիրներն ու համաշխարհային միտումները`անդրադառնալով ՀՀ կրթական համակարգում տեղի ունեցող արմատական փոփոխություններին:

Համաժողովի ընթացքում զեկույցներով հանդես եկան նաև մասնագիտական կրթության ոլորտի այլ շահակիցներ`Հայաստանից և Եվրոպայից: Զեկուցումներով հանդես եկան Հավատարմագրման գործընթացում ներգրավված համակարգողնեը, փորձագետներ և ուսանողնեը, ովքեր երկայացրին իրենց մոտեցումները և փորձը`իրականացվող գործընթացների առնչությամբ:

«Կրթության որակի շաբաթվա» շրջանակներում իրականացվեցին վերապատրաստումներ Որակի արտաքին ապահովման`հավատարմագրման, գործընթացներում ներգրավված փորձագետների, ինչպես նաև դասախոսական կազմի, վարչական աշխատակազմի և ուսանողների հետ:

Նշենք, որ «Մասնագիտական կրթության Որակի ապահովման ազգա յին կենտրոն» հիմնադրամը (ՈԱԱԿ) ստեղծվել է 2008-ին` մասնագիտական կրթական համակարգի ակտիվ բարեփոխումների փուլում և ստանձնել լուրջ պատասխանատվություն` խթանելու ու սումնական հաստատություններում որակի ապահովման գործընթացները:

Հարցեր, պատասխաններ, մեկնաբանություններ